s. m. Officier de ville qui a un certain quartier & une porte de la ville assignée, où il fait executer les ordonnances & les mandemens de la ville, qui fait assembler chez luy les bourgeois du quartier, & qui a le soin aussi de fermer & garder les portes. Il a sous luy deux Cinquanteniers, & quatre Dizainiers. L'Office de Quartenier est une voye seure pour parvenir à l'Eschevinage en son ordre.

On appelle sur la Mer Quarteniers, ou Maistres de quartier, ou Compagnons de quartier, les quatre Officiers qui commandent tour à tour à ceux qui font le quart, comme les Caporaux dans un corps de garde.